6 Нови рекорди на Македонија на „Скопје Опен 19“
На 16-17.11.2019 на базенот Борис Трајковски во Скопје се одржа Меѓународниот пливачки митинг „Скопје Опен 19“ во организација на Пливачкиот Клуб Скопје од Скопје.
На митингот учествуваа 50 клуба и една Репрезентација со 586 пливачи од повеќе држави.За најдобри пливачи беа прогласени Бугарските репрезентативци,Јордан Јанчев во машка конкуренција со вкупно 2390 бодови од 3 трки, воедно и со највреден резултат на митингот во трката од 400м слободно со време 3:43:10 и, во женска конкуренција Георгиева Габриела со вкупно 2202 бода од три трки.
Членките на ПВК Орион од Скопје,Миа Крстевска и Миа Блажевска Еминова, поставија 6 нови Национални рекорди на Македонија во повеќе категории и дисциплини.
Крстевска Миа постави нов Апсолутен рекорд на Македонија во дисциплината 100м грбно со време 1:03:36,додека пак Блажевска Еминова Миа постави Кадетски и Младински рекорд во дисциплината 100м слободно со време 56:79 додека во дисциплината 100м мешано постави нов Кадетски,Младински и Апсолутен рекорд со време 1:04:15
Официјални реултати: https://live.swimrankings.net/25376/index.html