Марко Блажевски:Период за самомотивирање
Двократниот Олимпиец од Лондон 2012 и Рио 2016 и повеќекратен рекордер го сподели со нас мислењето во врска со Токио 2020,Американскиот „трајалс“ и што прави во слободно време
SwimOn – Живееш во Шарлот,САД,каде што работиш и тренираш.Кажи ми каква е ситуацијата таму?
Марко – Во Шарлот не е премногу лоша ситуацијата во споредба со други места во САД,од денес 26.03.2020 Градоначалникот издаде наредба за седење дома и излегувањето да се сведе на минимум.
SwimOn- Како го поминуваш времето и дали се навикна на ситуацијата?
Марко – Ова ми е втора недела како работам од дома и имам минимален контакт со луѓе.Од време на време е малку досадно,но лесно наѓам работи за занимација
SwimOn – Што мислиш за одлуката ИОК да ги одложи Олимписките игри за 2021?
Марко – Мислам дека одлуката да се одложат игрите е правила,бидејќи ситуацијата со коронавирусот е сериозна работа.Со ова покрај спортистите се заштитуваат и потенцијалните гледачи кои ќе патуваат во Токио.Исто така одложувањето им овозможува рамноправни подготовки подготовки на тие спортисти кои моментално поради ситуацијата седат дома
SwimOn – Што очекуваш од сезоната,ти исполни норма за Американското изборно првенство или популарниот „ТРАЈАЛ“кој поради ситуацијата е откажан и не се знае кога ќе се закаже?
Марко – Пливачката федерација на Америка ги откажа сите натпревари до крајот на Април и официјална дата за Олимпискиот „триалс“ сеуште нема.Ваква пандемична ситуација прв пат доживувам и немам конкретни очекувања на спортски план.Моментално чување на здравјето и почитување на правилата околу вирусот ми се во прв план.
SwimOn – Какви вежби правиш за да го задржиш тонусот на мускулите,сепак пливањето е специфичен спорт?
Марко – Одржувањето на кардио формата мислам дека е најтешко во оваа ситуација.Во Шарлот почнуваат да расцутуваат дрвата и времето е добро,така што пробувам што е можно повеќе да трчам на свеж воздух.Вежби за суви тренинзи име премногу и ако се тренираат сите мускулни групи ова е одличен период за здобивање на сила која после би требало да се префрли во базен.
SwimOn – Што би им препорачал на пливачите во овој период?
Марко – Мислам дека спортистите имаат многу важен момент да се преиспитаат самите која е НИВНАТА ЦЕЛ и зашто тренираат.Додека се има многу слободно време е исто така одличен период да се пронајде нов начин на самомотивирање.