Мегународен пливачки митинг 13 Ноември

Во организација на Пливачкиот Клуб ‘Бета Шаркс’ од Скопје на 23 и 24 Октомври се одржа 10от Меѓународен пливачки митинг „13 Ноември“ на кој учество земаа 28 пливачки клуба и 327 пливачи од 5 Држави и тоа Србија, Чешка Република, Албанија, Косово и Македонија. Во 4 дела од натпреварот поставени се вкупно 9 нови Национални рекорди на Македонија во повеќе категории.

Јанковиќ Сара од ПК Скопје постави нов Кадетски, Младински и Апсолутен рекорд во дисциплината 50м градно со време 34.15, пливачот на ПК Нептун, Андреј Стојановски постави нов Младински рекорд на 100м  грбно со време 57.99 додека на дупло пократката дисциплина 50м грбно постави нов Младински и Апсолутен рекорд со време 26.36.

Никола Ѓуретановиќ од ПК Вардар 2018 постави нови рекорди во категоријата Постари пионери на 100м мешано со време 1:02.18 и 200м слободно со време 1:58.82,додека пак пливачот на ПК Вардар8 ,Стефан Тодоров кој пред две недели постави рекорд на 50м слободно во 50м базен,сега го собори и стариот рекорд на 50м слободно на 25м базен со време 24.71.

За најдобри пливачи во категории прогласени се:
Категорија А(отворена) Стојановски Андреј ПК НептунНиколиќ Миа ПК Свети Никола – Ниш
Категорија Б(пливачи родени 2005/06) Гаши Мал ПК Степ-ПриштинаБеќири Јона ПК Степ-Приштина
Категорија Ц(пливачи родени 2007/08) Ѓуретановиќ Никола ПК Вардар 2018-СкопјеКитановиќ Ива П.В.К.Орион-Скопје
Категорија Д(пливачи родени 2009/10) Герасимовски Василиј П.В.К.Орион-СкопјеАдора Хоџа ПК Степ-Приштина
Категорија Е(пливачи родени 2011 и помлади) Цеков Влатко ПК Вардар 2018-СкопјеДимитровска Калина ПК Вардар 2018-Скопје

Официјални резултат ОВДЕ

Jane Karajovanov

Роден на 11.08.1977 во Скопје,на 7 години почнува да тренира пливање во Пливачки и Ватерполо Клуб Вардар од Скопје кај својот прв тренер Зоран Димитров за после тоа да премине во понапредна група кај Миле Битраков.Од својата 15 година тренира кај проф.д-р Димитрија Поповски - Шкипер во АПК Студент од Скопје па се до крајот на својата кариера.Во текот на тоа време има настапи на 2 Светски првенство(2003 во Барселона и 2005 во Монтреал) и 2 Европски првенства(1999 во Истамбул и 2000 во Хелсинки) на трките од 25км.Во 2004 заврши на 9то место на Светската ранг листа на ФИНА во маратонско пливање. Државен првак во неколку базенски дисциплини и 1999 Државен првак во маратонско пливање. Дипломиран професор по Физичко образование на Факултетот за физичка култура при Универзитетот Св.Кирил и Методиј во Скопје и Магистер по Специјална едукација и рехабилитација на Институтот за дефектологија на Филозофвкиот факултет во Скопје. Главен трнер и основач на Пливачкиот и Ватерполо Клуб Орион од Скопје

View all posts